Атақты Құтансопыдан жеті сопы туады. Олар: Ақсопы, Арықсопы, Қарасопы, Сарысопы, Баласопы, Момынсопы, Мейрамсопы.
     Мейрамсопының  бәйбішесінен жеті бала (Алтай, Қарлық, Тыналы, Тоқа, Қозған, Қақсал, Қаракесек), кіші әйелінен бір бала – Танбыссопы – туады.
     Танбыссопыдан Үйсінбай, одан Ермен, одан екі бала: Бөлтірік пен Шағыр туады.
     Шағырдың жеңге әйелінен, яғни ертерк өлген Бөлтіріктің әйелінен, Аманжол мен Сомжүрек туады. Ал, қыздай алған бірінші әйелінен Шаржетім, кіші әйелі, Қарауыл қызы Ақсұлудан, Бегіс туады.
     Аманжолдан Әлімбет, Байымбет, Шақшақ тараса, Сомжүректен Әйдерке туады.
     Бегіс заманында, яғни Салқам Жәңгірхан тұсында, қол бастаған атақты батырлардың бірі болған. Иісі қазақ қосындарының сапында қалмақтарға қарсы соғыстарға қатысып, талай қиян – кескі шайқастарда болып, атағы аңыз болған қазақ батыры.
     Аманжолдан туған Шақшақ, он жеті жасында жекпе – жекте қалмақтың батырын өлтіріп, қамал бұзғанда, Бегістің жасы алпыстан асқан кезі екен.
     Ел шетіне жау келіп Бегіс батыр қосынын бастап аттанғалы жатқанда арынды жас берен Шақшақ қосынға қосшы болуға өтініш етеді.
     Алды – артын тереңнен шолатын қарт батыр, қапелім сәтте өтініш айтқан жас жеткіншекке қатты айтсам меселі қайтар, түсінетін діл, жеткізетін тіл болса нұсқау болар ақылым айтар деп, толғанып барып былай деген екен:

•    Арысым, атың сай, жарағың дайын. «Ата жаудан кек алсам, ел – жұртым-ның елдігін қорғасам», - деген талабың тау жыққандай екен. «Ел иесі ерлерге қосшы болам!», - деген талабың өте орынды. Бұл қадамыңды мен де бек құптаймын. Алайда, шырағым, дұрыс түсін. Бұл жолғы өтінішіңе тұсау болар жағдай жоқ емес. Ол – абыз аталардың батасы. Белін берік буынған, желекті найза қолға алған ер жігіт, жас ұланға, ел үлкендерінің батасын алу – уәжіп. Халқымыз: «Баталы құл арымас, батасыз ұл жарымас», - дегенді босқа айтпаған. Онымен қоса, мына ел – жұртқа, қара орман мал – жанға ие болар азамат керек. Біз қайтып келгенше осы шаруаның басы – қасында бол. Аман – есен оралсақ, құрбандық шалып, үлкендердің батасын алған соң, келесі жорықта қосшы емес, басшы боларсың деген үмітпен «балақ бауыңды» қиярмыз. Інім, осыған тоқталық. Осы уәдеде тұрайық.-

     Екі күнді артқа тастап, үшінші күні қонаға, Арқа өзенінің бойында қонып жатқан қосынға жетті.
     Одан: «Неге келдің, неғып жүрсің?», - деп ешкім сұрамады. Әр қос өздерінің ас – суын қамдап, қарын тойдырып алған соң, көпшіктерін жастанып, көк майса шалғынға құлай – құлай кетті.
    Қалың қол ұйқыда. Ат күзетіндегілер мен қарауылда тұрғандар ғана көз ілер емес.
    Өзінің оғаш қылығын енді түсіне бастаған Шақшақ, жағалап Бегіс ағасына келді. Ол кісі де ұйқтамай жатыр екен, жерден басын көтерді. Шар болат сақиналардан тоқылған бүктемелі сауыты, қару – жарағы қасында жатыр.

•    Ағатай, осы келгенімің әбестігін енді түсініп, өкініп тұрмын. Ертең сіздер аттанғанда, қалқиып жұртта қалайын ба, әлде ұятымды бетіме ұстап, ауылға қайтайын ба? – деп Шақшақ ағасына мұңайа қарады.

     Бас батыры өліп, сағы сынған қалмақтар қашуға мәжбүр болды. Шақшақ та, атасы Аманжолдың атын Ұран қылып, «Аманжол! Аманжол!», - деп, қашқан жаудың соңынан сүрең салып барады.  
     Түскен олжаны сарбаздарға қылдай бөліп беріп, елге жеңіспен оралған Бегіс батыр, бұл жеңіске жеткізген Шақшақ екенін жария етіп, алты жасар ақбоз сойдырып, жас батырдың тұсау кесер тойын өткізген.     «Сұра, қысылма! Шаманан келсе, нақты жауабын берейін!», - деген Бегіс батыр.      Бегіс атамыздың аузы қандай дуалы дерсің: айтқанындай, өзінен кейінгі жетінші ұрпағы батыр болды. Ол – Тышқан батыр еді.
     Бегіс атамыз тек қана батыр, қол бастаған қолбасшы ғана емес, болашақты болжаған данышпан, ел басқарған көсем, от ауызды, орақ тілді шешен болған.
     Ұлы атамыз турасында атақты бақсы, ақиық ақын Шолан ұлы Ғабдолла атамыздың  өлеңінің бізге жеткен бір шумағында:
         
     «Шақшақ Жәнібек пен Сарыжетім Қарабалуан Жанұзақ басқарған тайпалармен туыстас, бірге көшкендердің бір бөлігі - Бегіс ұрпақтары.
     Бегіс батырдың өмірі мен жорықтары Қаратау өңірінде өткен. Қаратаудан көшу дәуірі Құланшы мен Құлтуманың немерелері Таңатардың төрт баласының тұсына келеді. 
     Арқаны саралап келіп Құланшының ұрпақтары Жалдама бойын мекендеп қалған. 
     Құлтума ұрпақтары Асан Қайғы Қарасуының маңайын мекендеген. 
     Күйік, Қайғы, Сарыөзек аралығындағы кеңістікте Шүйініш (Шүйіш) пен Есембай ұрпақтары жайлаған. 
     Есенғұл, Байдәулет ұрпақтары келісіп, Қызбелді жайлап иеленген. Күсеміс байдың Сайқұдығы, Шүрегей бұлағы, Молыбай құдығы т.с.с осының дәлелі. 
    Сейті, Талтақай, Қоғалы бұлақ, Тобылбай, Қамысты бұлаққа дейін Есбай ұрпағы жайлаған. 
    Шеркес адыры, Шолақсай бұлағы мен өзен бойларын Есенғұл, Есбай ұрпақтары аралас қоныстанған. Баймағамбеттің Кірпіш көңі, Болат тоғайы, Тәукебай көңі,Табанда Лекер көңі, Ырғайдың Қожахметінің көңі, Атағозының Шөлқұдығы. 
     Бозқасқа, Бөліссай, Ажырық, Бестарау төңірегін Байдәулет пен Есбай ұрпақтары мекендеген. Ажырықтағы Айтқожа көңі, одан терістікке қарай Күшік көңі (әкесі – Әзім қажы».